AKB48正統派王牌偶像渡邊麻友將會喺10月25日推出新寫真集，名為「知らないうちに」（不知不覺間）。今次係Mayu事隔5年再次推出寫真集，將會首度公開性感內衣照片。
寫真集取景於美國洛杉磯，Mayu將會放下「王道偶像」嘅清純形象，展露成熟性感一面。
當年Mayu推出寫真集時得17歲，Mayu話希望大家可以睇下17歲同22歲嘅自己嘅分別！
唔少AKB成員睇完Mayu本寫真都大讚Mayu個美臀真係好正，仲叫佢快啲買1億Yen嘅保險喎！Mayu自己就話雖然有少少害羞，但今次獲得member同秋元康大讚令佢信心大增，「今次係我自己都覺得超級自信嘅作品，真係好希望快啲可以show俾大家睇呀！」
About Post Author
