【2016新地標】東急Plaza銀座

【2016新地標】東急Plaza銀座

嘩嘩嘩黎緊3月31號,喺銀座有幢新商場叫「東急プラザ銀座」(東急Plaza銀座),
即將開幕啦!裡面有125間鋪頭,當中有D係初登陸日本嘅海外超受注目品牌,
亦都有唔少日本本土牌子嘅商店,大家以後又多個地方逛啦yeah!
 
東急プラザ銀座憑住「Creative Japan~世界由這裡開始,變得更有趣味。~」呢一個概念黎建設。總共13層,包含時裝,雜貨,餐廳,coffee shop等等不同商店。
 
佢嘅外牆係用左以傳統工藝嘅江戶切子作契機嘅設計,將傳統同革新融合黎令佢更有銀座嘅味道,突出其注重個人lifestyle嘅「成人」空間嘅感覺。
 
講下入面先!地下1、2層「GINCHIKA MARCHE」除左有雜貨店,仲有約30間嘅食物商店。喺地下第2層(連接住銀座駅),果到有間喺紐約超人氣嘅老鋪麵包店「THE CITY BAKERY」,日本第一間以奢華三文治為概念嘅「キャビアハウス&プルニエ サンドイッチハウス」,仲有首次喺東京開店嘅人氣京都雪糕店「ハンデルスベーゲン」。
 
而雜貨店,則有人氣gift select店「BIRTHDAY BAR TOKYO」、手巾仔專門店「swimmie」、磨練成人修養嘅上品文具店「TOUCH & FLOW」都係首次喺東京開店,鍾意雜貨嘅你地千祈唔好錯過啦!
 
喺7樓,東急Hands以新形態「HANDS EXPO」登場。以「連繫文化,養育文化」為概念,構成左「和・都・知・美・食」5個區域。目標給人傳達一種新嘅價值觀,而展開刺激嘅空間或商品。
 
而喺8-9層,就有都內最大型嘅市中機場型免稅店「ロッテ免税店銀座」。將會有以唔同奢華品牌嘅為中心嘅時裝店、首飾、化妝品店供女士們血拼。
 
至於10-11層,就係種類豐富任揀唔嬲嘅N間餐廳同food court,例如有得到壓倒性支持嘅有機美食漢堡包店「ベアバーガー」,回轉壽司「根室 花まる」,由Hawaii上陸嘅「Guy & Jo's Hawaiian Style Cafe」,人氣烏冬店「つるとんたん UDON NOODLE Brasserie」等等,多到你揀唔到呀!
 
仲有個好正嘅,就係喺6樓有個KIRIKO LOUNGE(キリコラウンジ)可以利用。坐喺果到嘅感覺一定好開放,成27米嘅通風空間中享受「数寄屋橋茶房」咖啡店,可以同朋友或者男女朋友慢慢傾下計,慢活一下。
 
而喺樓頂平台嘅開放式空間「KIRIKO TERRACE(キリコテラス)」中,有兩個區域,分別係周圍都係綠色植物嘅「GREEN SIDE」又或者係以廣闊水盤為特徵嘅「WATER SIDE」,shopping行到咁上下,可以上去慢慢喺呢個咁舒適自在嘅空間到休息下,都真係幾寫意嫁!
 
黎緊去日本嘅朋友,有時間就去感受下呢種邊shopping邊relax嘅感覺啦!
 
最近車站:日比谷 / 有楽町 / 銀座