【雲集日本各地咖哩】大型咖喱祭75店出店決定!

【雲集日本各地咖哩】大型咖喱祭75店出店決定!

去日本又點可以唔食咖喱,如果你想知來自日本各地嘅咖喱有咩分別,咁你就一定要嚟呢個位於東京都附近嘅大型咖哩祭「第13回土浦咖喱祭2016」,到時會有成75間來自日本全國各地嘅餐廳出展,出盡渾身解數去將自家製作最好味嘅咖喱提供畀入場嘅各位品嚐!
 
 
今年會出展嘅品牌來頭都唔細,有來自神奈川縣嘅「よこすか海軍カレー」、北海道嘅「富良野オムカレー」、長野縣嘅「黒部ダムカレー」等等,更加有唔少係第一次出展,大家都希望可以借呢個機會畀多啲人試吓下自家咖喱料理,製作非常認真。
 
「富良野オムカレー」
 
「黒部ダムカレー」
 
當日唔單止有咖喱食,場內仲有來自日本各區嘅地道B級美食,好似三崎吞拿魚拉麵、北茨城鮟鱇魚鍋、山形薯仔鍋等等,等大家入場食咖喱食到悶悶地可以食吓唔同地方嘅代表性名物!
 
個入口年年都用大紅色夠哂養眼,咖喱味香到遠遠都聞得到!
 
往年嘅咖喱祭都有好多人參加,短短兩日入場人次就已經多達8萬人!
 
鮟鱇魚鍋湯每次都會食到鮟鱇魚唔同部位,唔同部位嘅口感可以非常唔一樣!
 
上年嘅咖喱飯都係咁樣以膠兜上,份量唔多,食完一兜唔會過飽試唔到其他野。
 
第13回土浦カレーフェスティバル
地點:茨城県土浦市川口2-12-75 土浦市川口運動公園 陸上競技場
電話:029-826-1111
活動日期:2016年11月19日(星期六)~20日(星期日)
活動時間:10:00~15:00