鍾意LoveLive!有咩問題?我撐你!

鍾意LoveLive!有咩問題?我撐你!

鍾意LoveLive!有咩問題?有咩錯?
近日,日本男子組合Kis-My-Ft2嘅成員,宮田俊哉因為LoveLive!而被經理人訓話,真係陰公豬。
 
是咁的,個日,宮田俊哉去咗睇LoveLive!,話因為係最後一場,點都要去!!
相入面,藍色外套,帶眼鏡就係佢本人!
 
行行吓,俾粉絲嗌佢!佢即刻停低~
大家,見唔見到佢掛咗毛巾係腰度!!!???
 
原來宮田好鍾意LoveLive!嘅園田海未㗎!!!
有無人都係鍾意Umi㗎???
 
之後仲同粉絲握手!睇吓d男粉絲幾興奮!!!
搵到同好嘅感覺絕對良好!!!
 
點知,愈嚟愈多人圍住宮田!!!
講真,偶像同自己鍾意同一套動漫,仲要喺會場見到本尊,唔開心就假!
 
之後宮田俊哉就去咗排隊買Goods~
喺睇演唱會期間,經理人就打俾宮田俊哉,嚇咗一跳,心諗做咩事。
被警告下次小心d,俾人偷拍太多相。
後來,Johnny's事務所仲要求宮田俊哉喺御宅活動上自律d,唔好再公然做呢d事!
係LoveLive!演唱會掛上周邊,有咩問題?我唔明,我真係唔明!
 
本身宮田就係超級LoveLive!迷嚟!鍾意到係演唱會上都忍唔住做指定動作XDDD
 
 
係屋企都有一大堆LoveLive!嘅周邊,大大話話都10萬yen㗎!
洗得多唔多錢就睇人嘅啫,但係就咁睇,都感受到果種幸福!!!
 
所以,宮田俊哉一於少理,一星期後,水樹奈奈喺東京巨蛋開嘅演唱會都照去!
懂的人自然懂!御宅咪御宅囉!又如何?