醫花粉症唔洗咁呀嘛!?

醫花粉症唔洗咁呀嘛!?

春天一到,係日本街頭上,十個有九個都帶口罩出街!
唔係明星特別多,亦都唔係懶到唔化妝嘅女人特別多,而係個個都有花粉症!
 
網上流傳燒鼻膜可以醫花粉症,於是就有人以身冒險,試吓有無中伏!
 
大人小朋友都唔好學!知唔知道?真係好危險㗎!
 
好!去片!
 
 
 
 
 
要將兩支火槍隊落個鼻入面,你都咪話唔驚!!
 
 
結果…睇表情就知痛到阿媽都唔認得啦!!!
 
 
但係,佢仲要再嚟多次!!!
 
 
今次放太出,火燒鼻頭!呀!!!
 
 
我睇見佢咁樣就心痛!畢竟,我以前中意佢㗎!!!
喇喇喇!係以前!係以前!
因為佢以前係一隊視覺系組合LOG - ログ嘅主音嚟㗎!
佢叫做VAMBI!無錯!就係小鹿斑比個斑比喇!
 
 
 
我曾經都有去日本睇Live㗎!真人幾靚仔㗎!(面紅)
但好可惜,隊band係上個月3月27日解散咗喇……
唔夾Band,而家走去做youtuber,拍吓片俾大家睇!得閒做吓model影吓相咁~
 
 
粉絲們睇完段片都好心痛,VAMBI係Twitter到叫大家唔洗擔心佢!
搞到大家咁擔心,VAMBI都有道歉㗎!
不過,只要佢無事就得喇!
我睇段片時,見到佢俾火燒果一吓,我都忍唔住叫咗出黎!
 
我再講多次!唔好學VAMBI咁樣火燒鼻!真係好危險!!!
 
VAMBI,你唱歌好好聽㗎!希望好快可以再次聽你唱歌啦!