【連日清都玩埋一份?】史無前例嘅「綠色抹茶杯麵」!

【連日清都玩埋一份?】史無前例嘅「綠色抹茶杯麵」!

繼之前一平出嘅士多啤梨蛋糕味撈麵同朱古力撈麵,唔知係咪玩開有條路,連日清都玩埋一份,將抹茶加落個海鮮杯麵度,味道係點,有少少難以想像……
 
【連日清都玩埋一份?】史無前例嘅「綠色抹茶杯麵」!
 
據官方所稱,為咗更加突出「抹茶」呢個特點,連麵條佢地都突登加咗抹茶去整,整出杯麵界史無前例嘅茶蕎麥風嘅綠色麵!麵都可以玩到咁,杯麵精華所在嘅湯底又點可以唔落足工夫!呢個抹茶杯麵用咗經典嘅海鮮湯做base,再添加咗特製抹茶風味,所以食起上嚟會食到些微苦苦甘甘嘅抹茶味道。
 
成件事聽落有啲詭異,但日清嘅杯麵又真係冇乜邊種味係難食,相信呢一款咁嶄新嘅味道應該亦唔會差得去邊(應該唔係伏嚟嘅……)。
 
【連日清都玩埋一份?】史無前例嘅「綠色抹茶杯麵」!
 
【連日清都玩埋一份?】史無前例嘅「綠色抹茶杯麵」!
 
除咗個抹茶杯麵,日清同日仲會推出「壽喜燒風烏冬」同「梅昆布茶鹽燒蕎麥麵」,想試呢啲咁別具特色嘅杯麵,去到日本記得去超商掃貨!
 
抹茶杯麵、壽喜燒風烏冬、梅昆布茶鹽燒蕎麥麵
發售日期:2017年1月23日
售價:¥180~
 
如果唔知咩係「士多啤梨蛋糕味撈麵」,可以睇返下面條link,Like Japan直接試畀你睇呢個麵有幾「好味」!士多啤梨蛋糕味撈麵中伏試食