踏入20週年!『百變小櫻』劇場版復刻上映! 全新動畫PROJECT即將公開!?

踏入20週年!『百變小櫻』劇場版復刻上映! 全新動畫PROJECT即將公開!?

 
 
自1996年開始漫畫連載,1998年改篇成動畫,『百變小櫻MAGIC CARD』當年實喺虜獲不少動漫迷嘅心,即使係20年後,其人氣地位仍然屹立不倒,因此官方藉著20週年嘅黃金機會,推出了一連串嘅企劃。
 
 
首先係今年6月,於原作連載雜誌『NAKAYOSHI』上再度推出新連載「CLEAR CARD篇」。接著喺『NAKAYOSHI』11月號中,進一步宣布將1999年上映劇場版『小櫻嘅香港之旅』復刻! 由2017年1月21日起,於東京新宿、池袋、大阪難波、名古屋等劇院再次上映! 雖然係99年嘅舊作,但作為FANS嘅你相信仍會按捺不住,再三回味當年嘅感動時刻吧? (而且背景還係香港啊!!)
 

不過! 這重未係最致命嘅一擊。喺剛推出嘅『NAKAYOSHI』12月號中,更驚人嘅消息出現了——新動畫PROJECT進行中! 官方終於透露了全新動畫即將推出,慶祝『百變小櫻』誕生20週年!

 
 
雖然未肯定係電視、OVA定係劇場版,但單係聽到「新.動.畫」三個字,FANS都已經雀躍不已吧!?  呢個連官方都要以「超BIG NEWS」來形容嘅新動畫,相信不會令大家失望,睇睇跟住嘅『NAKAYOSHI』中,再有咩令人亢奮嘅公佈啦!
 
 
 
 
『小櫻的香港之旅』復刻上映
上映開始日期:2017年1月21日
戲院預售門票價格(連特典):成人1400日圓、兒童900日圓
戲院預售門票開售時間:2016年12月3日(售完即止)
 
 
 
 
 
 
預售門票規格
 
 
CLAMP・ST・講談社/バンダイビジュアル・マッドハウス