【超級開心!】大阪有得「免費任試」明太子!

【超級開心!】大阪有得「免費任試」明太子!

明太子料理喺日本好多地方都可以食到,當中嘅表表者一定係明太子玉子燒,我身邊就有唔少朋友因為呢道料理而愛上明太子!
 
如果你都係好明太子一族,話畀你聽大阪今年月11先新開嘅明太子見學工場「めんたいパーク大阪ATC」唔單止可以睇哂成個整作明太子嘅過程,仲有得免費任試新鮮整起嘅明太子同買呢度先買到嘅限定明太子產品,係咪好想即刻就走過去試餐飽呢!!
 
全個工場分為4大區:
 
「工場直賣店」可以買到只此一家嘅明太子產品,極力推介可以用嚟撈飯嘅飯素「ふりかけ」,攜帶方便又好味,大手買入用嚟做手信又得,留返自己隨時加餸又得~
 
 
「Food Corner」可以食到加入名太子製作嘅料理,比較大路嘅有明太子飯團,想挑戰新口味的話可以試吓明太子軟雪糕。
 
明太子同飯團係天生嘅絕配,呢個仲要係用新鮮明太子去製,冇理由唔買返個試吓!
 
以明太子去整中華包坊間真係好少見到,顏色粉紅粉紅好吸引,咬落明太子嘅味道比想像中濃郁,好味!
 
食完熱食又點可以唔食返個甜品做結尾!勢估唔到佢地夠膽加明太子整雪糕,食落有少少辣辣地,仲咬到一粒粒嘅明太子,唔難食喎!
 
 
呢個位可以畀大家了解多啲明太子嘅歷史同製作方法,有哂動畫,唔識日文都唔會覺得太難明。
 
 
最後一個check point就係工場見學喇!工場用咗一大片玻璃窗做分隔,透明度好高,企埋去睇近到好似企正喺工作人員身邊咁!
 
呢個工場有咁多野睇咁多野食咁多野買,下次去大阪又多個地方要去啦~
 
めんたいパーク大阪ATC
地址:大阪市住之江区南港北二丁目1-10 ATCビルITM棟2階 G-1
電話:06-6616-0089
營業時間:11:00〜18:30
入場費:免費