【超新奇】大阪食得嘅水!

【超新奇】大阪食得嘅水!

食得嘅水!?大家聽到都覺得奇怪啦可,明明水係飲嫁嘛,點樣食呀大佬?而家我就發現新大陸,喺大阪Expocity入面嘅「ニフレル」到有隻可以唔洗容器都拎得到嘅水出現左!我都知大家想像唔到即係點嫁啦,就等我係咁易介紹下啦!
 
「水係飲嘅」呢個咁普遍嘅認知可能將會變成outdate嘅諗法啦!事關最新嘅水竟然係可以徒手拎住食...先唔講佢點食法,講佢喺邊到買到先!喺大阪万博記念公園裡嘅Expocity,一個叫「ニフレル」嘅博物館可以買到。用自己隻手就可以拎住水呢樣野,真係一種不可思議嘅新感覺!
 
呢個「食得嘅水」外面就有塊好似包住雞蛋黃果塊痴luplup嘅膜咁嘅特殊皮膜,呢塊古怪嘅野係可以一齊食落肚嘅,對身體無害,大家唔洗咁擔心。
 
咁佢到底點食呢?係有個順序嘅。如果唔跟住黎食,小心整爛左佢呀,咁就宣告失敗嫁啦。
1.有個裝住佢嘅容器(買果時就係咁樣裝住)
2.掀起包裝底下嘅部份,好似拮爆氣球咁小心地用果枝籤拮穿佢
3.之後容器就會有D好似啫喱狀嘅水,再用膠羹慢慢「畢」黎食。
個過程一定好緊張啫!因為好怕會整爛!
 
其實佢並唔係平時無味果D水,而係有少少甜味嘅啫喱黎嫁!(覺得比我呃左?我都比佢呃左呀!)喺ニフレル行行下想搵野潤下喉嘅話,呢個應該係幾好嘅選擇啦!由於好淡味,所以就好似食緊水咁嘅感覺啦。
 
■ 基本資料
・名稱:ニフレル 食べる水 
・前往方法:從万博記念公園駅歩行2分
・營業時間:10:00~20:00 
・費用:250円(1個)