買蛋糕發現蛋糕被「開心SHARE」!? 便利店主動呼籲客人通知傳媒……

買蛋糕發現蛋糕被「開心SHARE」!? 便利店主動呼籲客人通知傳媒……

雖然聖誕節喺日本唔係公眾假期,不過日本人仲係會趁住聖誕節熱熱鬧鬧慶祝一番。日本就有網友就喺7仔買咗個聖誕蛋糕諗住返屋企慶祝聖誕,但勢估唔到一打開個盒……
 
 
買蛋糕發現蛋糕被「開心SHARE」!? 便利店主動呼籲客人通知傳媒……
個蛋糕原來已經俾人搶先一步「開心SHARE」WWWWWWW
 
買蛋糕發現蛋糕被「開心SHARE」!? 便利店主動呼籲客人通知傳媒……
涉事嘅DIVER CITY 東京PLAZA店
 
嗰位朋友當然立刻聯絡店舖,而店舖亦以「需要將交換嘅蛋糕送到府上」而要咗佢屋企地址。好快,賣蛋糕嗰位店員、店長同地區負責人就上門拜訪,並提出「退錢+送一個新蛋糕」嘅提案,不過客人就堅持要追查原因。不過由於24號已經係星期六,所以26號之前都冇嘢做到。
 
買蛋糕發現蛋糕被「開心SHARE」!? 便利店主動呼籲客人通知傳媒……
到訪人員卡片
 
即使受害者25號當日聯絡總公司仍然不得要領,因為原來總公司根本唔知道有件咁嘅事。最後都係要到26號先搞清楚發生咩事。原來係有個店員喺休息時自費購入蛋糕食用,而且食到一半就放咗入雪箱,估唔到店長冇確認就直接賣咗俾個客。
 
個客就梗係唔滿意7仔嗰邊反應慢幾拍啦。不過總公司嗰邊竟然同佢講:「如果你想同傳媒講就即管去講啦。如果你覺得講完會開心啲嘅話…」
 
 
買蛋糕發現蛋糕被「開心SHARE」!? 便利店主動呼籲客人通知傳媒……
蛋糕開封前樣子
 
 
最後件事就當然就係通晒天啦,不過雖然咩新聞都上晒,但係事件到而家都未有雙方都接受嘅解決方案。

 
 
 
對於呢件事,日本網民反應都好兩極。雖然都係有人認為個客有心搞大件事搏取最大利益,特別係店舖已提出退錢外加以貨換貨(雖然係「私了」……)。不過亦有部分人都覺得7仔方面好有問題。特別係店長唔通知總公司就想用送蛋糕同退錢「私了」係完全不能接受。而總店竟然主動叫個客通知傳媒都係冇EQ嘅行為。
 
平時日本俾香港人嘅感覺都係好有規矩同禮貌,甚至有點死板,但而家睇嚟,都真係不盡如此呢……