近年荷里活愈來愈鍾意將日本嘅輕小說同動畫,遠嘅有改編自『龍珠:全新進化』,稍稍近少少嘅有改編自櫻坂洋作品『All you need is kill』嘅『異空戰士』,再近嘅就有即將上映嘅『攻殼機動隊』。
 
 
 
之前嘅速報就提過「JUMP FESTA」宣佈『慕留人』動畫化明年4月將會開始播映,同舞台劇預定5月開演兩則令人又驚又喜嘅消息。不過第三個消息:『火影忍者』宣布拍攝荷里活真人版應該就剩低驚啦啩。
 
 
話說拍過『飢餓遊戲』系列嘅「Lionsgate」已經決定拍攝荷里活版『火影忍者』!
電影預計最遲明年就會開拍,關於演員選角、劇情等詳細內容則仍未公布。消息一傳出即刻震驚日本網友。
 
唔要求去到呢個質素,不過最驚變咗龍......
 
首先最大嘅問題係演員如果變晒「鬼佬」,會否好似『死亡筆記』咁令人無言(特別係大蛇丸之類…)? 其次當然就係譯名啦,角色名稱都還好,寫輪眼、尾獸一至八等等到底邊算?
 
 
當然,可能由於前輩嘅『龍珠:全新進化』實在帶俾人不能磨滅嘅回憶,所以大家對於今次真人化消息都係當笑話睇就算,到底最後出到嚟會唔會第四代火影一齊飲蒙牛玩QQ? 咁就真係要放長雙眼睇啦。
 
 
但許多日本網友聽到這個消息已經開始哀號:「難道演員全都要變成歐美人?」、「絕對會變成一部爛片吧,我好期待大蛇丸會變成什麼樣子」、「就算不是日本,找亞洲其他國家來演都比較好喔,特效可以合作嘛」、「我會當作一個笑話來看!」,請各位火影迷期待吧(細聲:離緊重有套有飛機大炮嘅『Monster Hunter』、『漂靈』同『刀劍神域』劇集……)。
 
究竟荷里活拍日本動漫嘢得唔得? 不妨睇下佢啲前輩係咩環境:
 
街頭霸王:春麗傳奇
 
 
街頭霸王
 
強殖裝甲
 
 
北斗之拳
 
龍珠:全新進化
 
異空戰士
 
攻殼機動隊