號外!小倉優子老公出軌!

號外!小倉優子老公出軌!

文春再開炮,已經係第二度懷孕嘅小倉優子,佢個髮型師老公被發現出軌!同自己公司嘅後輩藝人有戀情。
 

相信好多男人唔知咩樣都聽過小倉優子呢個名,曾經都係大家嘅女神。
而家成為一位「媽媽藝人」嘅小倉優子,佢老公係有幫SMAP SET頭嘅星級髮型師菊池勲氏,最近就係女生屋企上落時被週刊文春捉正,呢本雜誌繼BECKY事件後又再開炮。
而家小倉優子正岩岩好第二度懷孕中,可以話係比BECKY更加慘。
 

(已經進入咗安定期,所以同大家報告一下。4歲嘅仔都好期待自己將會成為人地阿哥,成日同肚入面嘅BB傾計) 
來源:小倉優子BLOG

咁溫馨嘅另一方面,老公菊池就放低老婆,出咗去滾。而第三者就係馬越幸子,傳癒系嘅IDOL團體yururirapo成員,同小倉屬同一事務所。

 
據稱文春記者喺馬越屋企樓下將同佢一齊走出嚟嘅菊池捉正,但菊池仍然一口否認:「一陣會同老婆講清楚,希望得到信任真係好對唔住。」
記者向小倉同馬越嘅事務所求真相,馬越表示「對唔住麻煩到大家,正喺到反省。嚟緊會將小倉嘅心情放係第一嚟處理呢件事。」