茨城縣超靚瀑布-「袋田の滝」

茨城縣超靚瀑布-「袋田の滝」

今次想介紹一個大自然風景嘅景點比大家,佢就係茨城県嘅袋田の滝。
 
「袋田の滝」係日本三大瀑布之一。佢係屬於久慈川嘅支流瀑布,高120米,闊73米嘅巨大瀑布黎。因為佢D流水係分開左四段咁流,所以就有第二個名叫做「「四度(よど)の滝」。呢個名嘅由來又有另一個傳言,就係話N年前有位西行法師黎到之後就稱讚「呢個瀑布咁靚真係要四季都各黎一次呀」咁樣喎。
正常情況下,你見到嘅流水會係白色,但又時如果佢流得較激烈,就有可能睇到唔同顏色夾雜住嫁啦。
 
佢最特別嘅地方,就係四季都有各自嘅特式,唔係單一白色瀑布咁單調。春天時周圍係綠油油嘅草木,秋天時都會被紅葉包圍,冬天時就會因為太凍而結左冰,變成一條條冰柱。所以袋田の滝係會根據四季嘅變化而轉變嫁!但無論咩季,都不乏遊客黎一睹佢嘅風彩。
好似呢張相咁,就係冬季限定先有嘅亮燈黎,真係勁想親眼去睇呀!
 
 
■ 基本資料
・名称:袋田の滝 (ふくろだのたき)
・住所:茨城県久慈郡大子町袋田 
・前往方法:巴士…JR袋田駅→搭茨城交通巴士(袋田の滝行き)10分鐘,總站下車,歩行10分
・時間:隧道通行8:00-18:00(11月~4月則9:00~17:00)
・料金:観瀑隧道利用費用大人300円、子供150円