日本嘅問卷調查成日都有啲得意topic。其中今日揀同大家分享嘅係呢個問日本男大學生會揀同腐女定Johnny’s偶像宅拍拖嘅調查啦。其實個問卷一啲都唔權威,只係問咗52個人嘅意見。不過都睇下呢52個人點揀同有咩comment啦!
 
問題:如果可以揀同認真鍾意BL嘅腐女子或者認真鍾意Johnny’s偶像嘅偶像宅拍拖,你會揀邊個?
 
結果:
腐女子   27人(51.9%)
偶像宅   25人(48.1%)
 
 
揀腐女嘅人嘅意見:

~因為腐女就算我放置一邊都唔會構成問題
~認為偶像宅洗好多錢(關於呢點我想講少年你真係太年輕了)
~感覺比起偶像宅更加有常識
~比起偶像宅更容易有共同話題
~因為我都中意動漫所以應該會比較投契
~偶像宅追星太忙了
~因為腐女中意嘅只係幻想出來嘅嘢,而佢哋又分得清幻想同現實,所以唔覺得有咩問題


 
揀偶像宅嘅人嘅意見:

~中意偶像並唔係一樣畀人否定嘅事
~因為我都中意Johnny’s嘅偶像(嘩迷弟出現了w)
~(比起腐女喜歡BL)我更能接受女性喜歡男性偶像這個事實
~偶像宅也只是一般崇拜偶像的人而已(少年你也是太年輕了w)
~喜歡偶像野可以傾音樂上嘅話題呀,但腐女就真係無話題可聊
~喜歡三次元仲比較現實(少年你不知道現實的FF都可以好誇張)
~喜歡Johnny’s嘅偶像宅感覺比較多可愛嘅女生
~感覺中意人類比較真實啊,畢竟藝能界嘅明星已經算係另一個世界嘅人,就算女朋友要去追星我都覺得冇問題
 
結果顯示日本男仔都係比較著重有冇共同話題或者喜好呢一點。只要可以啱傾、啱口形,即使係同腐女定偶像宅拍拖都唔係問題
 
有時啲男仔可能對另一半中意BL或者追星好抗拒,因此令到一啲女仔唔敢喺男仔面前表露自己嘅真正一面。但其實如果一個人真係想同你發展成情侶,就應該有接受埋你嘅喜好嘅氣量嘅。如果因為你嘅喜好就否定你同唔同你一齊,其實就算發展到都唔會長遠啦~喺度衷心希望想拍拖嘅宅男宅女們2017年都會成功出pool~最好搵到意氣相投嘅另一半添呀!
 
(還有另外一個選擇是先埋藏自己,交往後再表白然後調教ww 祝大家好運w)
 
問卷資料來源:マイナビ学生の窓口調べ