聽晩就係平安夜,期待同最愛約會嘅女仔都好希望有一個開心嘅聖誕~
不過,亦都有日本女仔過咗一個不平凡嘅聖誕,甚至係最差嘅淒慘聖誕約會。
 
 
Case1
「喺平安夜同男友去老鼠樂園,但係園内非常多人,大家心情已經好差,排排下隊男友話去Toilet,但一去無回頭,電話又唔通,Message都無回。諗住去停車場等啦~去到連車都走埋!原本諗住開開心心喺老鼠樂園過聖誕,結果得我自己一個喺停車場呆咗係度等,見到周圍嘅情侶開開心心,就一個人忍唔住大喊,由停車場喊到返屋企!」(女仔S子・29歳)
 
Case 2
「男友Book咗間超高級餐廰食聖誕餐,一個餐最平都要30000円,當係一年大奬賞畀自己同男友啦,一入到去就感受到自己同男友好似大郷里出城咁,最大件事係2個都唔識桌上禮儀,Finger bowl(洗指碗嘅水)以為係湯飲咗!切野時(Ko)一聲切到碟!耳仔傳黎認笑嘅聲音,我個刻真係面都紅晒,心入面淨係想快啲走,完全唔開心,咁難得發奮努力,去奬賞一餐咁貴嘅聖誕餐,結果2個人都情緒低落。。。」(女仔T子・26歳)
Case 3
「喺赤坂有個為聖誕而開嘅溜冰場,男友好想去但因為我係運動白痴,原本拒絶去都畀男友拉咗去,最大件事係本身已經溜得差,但男友就話好快習慣,結果拖咗我去個溜冰場,之後就留低我一個走咗去側邊,仲叫我一個人行返行側邊,行咗2、3歩我就仆咗喺度,仲要面落地先,仲要傳黎男友嘅大笑聲音。起身先發現流鼻血,男友仲繼續笑。第2日去醫院發現鼻骨骨折,男友嘅錯令我傷得咁重,仲要唔出醫療費」(女仔Y子・29歳)
 
由於車長係超級S,所以睇到Case 3個陣笑咗出黎!Sorry!
車長係想話,60億人入面2個人要一齊個機會率係30億份之1,係非常之難,大家都要珍借自己嘅另一半呀!
喺度車長祝大家聖誕快樂!