空知猩猩又一預言? 小栗旬演阿銀? 2018年銀魂電影真人化!? 

空知猩猩又一預言? 小栗旬演阿銀? 2018年銀魂電影真人化!? 

最近少年JUMP都傳出唔少真人化消息。對上一個係JOJO的奇妙冒險真人化,揾黎山崎賢人演空条承太郎(吓)。因為反差太大,所以大家似乎唔多信,笑吓就算。
 
而今日網上盛傳銀魂電影真人化消息,仲講到似層層,仲話落實2018年上映,暫時只傳出主角坂田銀時由小栗旬演出。
點解揾小栗旬演出呢﹖因為小栗旬前年演出嘅「魯邦三世」獲得唔少好評,所以製作方對佢幾有信心。
 
事實上,小栗旬喺原作同動畫都出現過。講述柳生九兵衛嘅生日會,柳生家為九兵衛請嚟唔少名人撐場,其中有位小栗旬之助。
FANS都知道,空知老師有時會有微妙嘅預言能力。今次如果真係小栗旬演出,空知預言FILE又添一筆。
 
不過呢個消息一出,引嚟好多負面批評。TWITTER仲有「#銀魂実写化反対運動 」嘅TAG。
 
有人仲拎銀髮小栗旬幻想吓佢演阿銀係點。
 
而TWITTER上日本網民大多數都係認為根本唔需要真人化。就算真人化,心水人選係角色動畫聲優本人。
我都同意,因為新八嘅聲優阪口大助,係空知老師公認嘅「REAL新八」,我唔相信有人可以超越佢。而阿銀即使唔係杉田智和,點解唔係大泉洋﹖WHYYY~~
 
其實邊個演都好,我最唔想真人化。唔單止係二次元同三次元衝突,而係前車可鑑,真人化電影往往係配合原作完結嘅活動。我甘願繼續俾完姞欺詐(終わる終わる詐欺)繼續呃~
 
真人化係大人嘅事情,我哋改變唔到,不如睇下mika之前去嘅池袋「萬事屋銀魂CAFE」,6月16日至7月3日仲特別舉辦「桂小太郎 誕生祭」,FANS快啲去食吓玩吓定吓驚。