【移動酒店】寢台列車「TRAIN SUITE 四季島 」

【移動酒店】寢台列車「TRAIN SUITE 四季島 」

寢台列車「TRAIN SUITE 四季島 」予計於2017年運行,比想像中更豪華!!
近期好流行嘅豪華列車之旅,豪華到係人都會鍾意嘅寢台列車將會喺2017年運行啦!本身鍾情鐵路嘅朋友就唔洗多講,但呢個一定連無特別鍾意鐵路嘅朋友仔都會有興趣呀!
 
移動酒店!?
其實我覺得「TRAIN SUITE 四季島 」已經唔可以話係列車,而根本就係一間移動酒店!因為佢真係超級豪華嘅巡遊列車黎嫁!佢係屬於JR東日本嘅寢台列車,好似酒店房咁正嘅房間令你可以享受一個非常舒適嘅鐵路旅程!
 
豪華客船咁款嘅內裝!
由10個車廂編成嘅車內裝修非常高貴。佢係捧住一個「享受時間與空間移動」嘅概念,再配合一些有日本feel嘅設計,務求令你有一個不平凡,一生難忘嘅高級體驗。
 
客室係和風現代複式公寓風格!
客室共有17間房,15間正常房,2間特豪華房。而每間房都有獨立沖涼房同廁所,唔洗同人share嫁!特豪華房係複式嘅,上層望出去嘅風景真係不得了嫁!
 
酒店式豪華休息室!
剩睇相唔講嘅話係咪其實話係酒店你都會信呢?呢個豪華休息室用左營造樹木感覺嘅牆壁,自然得黎望落舒服。而為左令乘客更能感受到日本文化,呢到仲用左D東日本嘅傳統工藝品。另外天花算高,所以有種開放感,唔會壓迫,而中間部份就係入口啦!
 
由米芝蓮廚師負責你嘅食物!
話明豪華寢台列車,就當然連野食都高級D啦!食材用左東日本各地生產嘅食材,並由喺法國做過廚師嘅首位獲得米芝蓮一星嘅日本人師博中村勝宏做監督,所以食物嘅質素絕對高呀!
 
勁靚展望空間!
列車嘅頭尾分別都有個展望空間,天花同四圍嘅牆都有好大個玻璃窗,所以隨時都望到日本嘅絕世景色,岩哂用黎影靚相呀!
 
*予計2017年春天左右運行
*路線會因應季節和住宿日數而定,而最長可以住宿4日3夜,目的地是北海道。