直徑30cm超巨大蜜瓜包!!!

直徑30cm超巨大蜜瓜包!!!

我諗唔少朋友都鍾意食日本嘅蜜瓜包,外皮脆脆地但個包身又軟綿綿咁,口感一流!如果你都鍾意食,就一定要去挑戰下呢個直徑有成30cm嘅巨大蜜瓜包啦!包你大滿足甚至食唔哂要同人share呀!
 
咁到底邊到食到呢個蜜瓜包呢?
果到就係一間叫做「麻布十番モンタボー 」(麻布十番Mont-Thabor)嘅鋪頭,佢喺全日本有大約80間分店,專係賣自家手作麵包。而佢間總店就係喺麻布十番,店面每日都有好多種新鮮出爐嘅麵包,而且間中仲有D期間限定嘅商品添!
好啦咁傳說中嘅巨大蜜瓜包,咪話佢直徑30cm嘅,咁即係幾大呢?即係等於10個普通蜜瓜包咁大個呀!!!鍾意蜜瓜包嘅你地快D黎挑戰下啦!(應該食唔哂嫁啦,記得唔好浪費,同friend share食啦!)
 
兩種口味
巨大蜜瓜包唔止得個大字,佢仲有兩種口味比你揀!分別係朱古力同埋士多啤梨味。切開左個包就可以清楚見到入面嘅餡啦!食欲大增!
 
不過有個壞消息要同大家講,就係呢個巨大蜜瓜包主要係for網購,識上日網買野嘅朋友就無問題啦,可以喺官網或樂天市場買到,仲有個好蜜瓜嘅包裝添!
但如果唔識嘅朋友,我就建議你去開果頭先好順便睇下有無啦,唔係到時專程去到結果無就會sad sad豬咯。除非你本身對麵包好有興趣,咁就可以去睇下,因為佢仲有其他特別又出名嘅麵包嫁!好似藍莓紅豆包,北海道牛乳包等等。
 
・名稱: 麻布十番モンタボー 麻布十番本店
・前往方法: 由都營大江戸線「麻布十番駅」歩行2分。
・營業時間: 9:00~21:00