前KAT-TUN成員赤西仁單飛之後繼續係國際舞台活躍，仍然係唔少人心目中嘅男神。佢尋日就喺自己嘅社交平台上宣布會夥拍超級老友嘅實力演技派嘅型男演員山田孝之一齊於9月21日推出single「Choo Choo SHITAIN」，新組合嘅名叫做「JINTAKA」添呀（係日文「仁」同「孝」嘅發音）！
佢哋話今次嘅合作係為咗滿足私慾，兩位一齊負責作曲作詞，完全自己嚟架！赤西仁係自己嘅Twitter同IG表示「今次係我自己想滿足私慾所以決定同山田嘅考之Choo Choo。希望大家理解，如果帶俾大家任何麻煩，我係度首先同大家say個sorry先。」老友鬼鬼又玩嘢嘅山田亦都係自己嘅FB同IG公言：「察覺到自己嘅心意嘅時候，係嗰日之後嘅大概一個禮拜。一開頭雖然有啲迷茫，雖然同自己講『唔可以咁嫁…！』但都係掩蓋唔到我真正嘅心意。我係無悔嘅，因為，因為我一直都想Choo Choo阿！」….冇錯。開公告到不忘玩HEHE。
▲山田孝之講緊嘅「嗰日」其實就係今年愚人節兩人出咗一張惡搞相宣布會出碟叫「Choo Choo SHITAIN」（惡搞EXILE經典歌曲「Choo Choo Train」）。當時喺雙方粉絲間引起好大迴響，今次兩人決定將實現呢個笑話啲粉絲一定好開心嘞！
▲今次作品會以初回限定同通常盤發賣，附屬嘅DVD除咗有「Choo Choo SHITAIN」嘅MV睇之外，仲記錄咗JINTAKA嘅出道故事（lol），以紀錄片形式收錄兩人商討出碟事宜及合拍CD方面等影像。買晒兩隻版本嘅碟仲有得抽選10月3日係東京舉行嘅紀念活動添！
▲山田孝之同赤西仁分屬超級老友，山田孝之經常係個人社交網站post二人合照並公開「示愛」。
▲山田孝之同混血男演員城田優被日媒稱為「赤西軍團」。（原來男神都係兵）
About Post Author
