男人嘅浪漫不是夢! 日本開發汽車變形機械人!

男人嘅浪漫不是夢! 日本開發汽車變形機械人!

好似大黃蜂一樣嘅跑車,一邊高速行走一邊傳出機械零件滑動嘅聲音,跑車喺一瞬間就變咗機械人! 唔使上一頁住,你唔係睇緊『變形金剛』嘅廣告,而係一件有機會喺下年變成事實嘅事!
 
 
如果係機械迷嘅話,應該都依稀會記得BRAVE ROBOTICS兩年前曾經參加過喺台場一大新興景點之一日本科學未來館舉辦嘅「數碼產品EXPO2014(デジタルコンテンツEXPO2014)」(話說2016的EXPO剛於10月完結,展出嘅VR產物超勁……)。
 
 
當時展出嘅就係變形機械人(唔好話設定,連劇情都諗埋……)。
 
 
Asratec Corp.參與過嘅計劃全部都為人熟悉
 
而軟銀集團旗下Asratec Corp.同三精科技,就在尋日宣佈同BRAVE ROBOTICS合作,設立「有限責任事業組合(LLP)」,加入變形機械人「J-deite RIDE」嘅計劃。並搵嚟為『機動戰士高達』設計機動戰士嘅大河原邦男老師擔任設計。
 
 
「J-deite RIDE」預計由車變成4米高的機械人所需時間約10秒,機械人可以兩足行走(最高速度5km/hr)或用車轆行走(30km/hr),或以汽車模式行走(最高速度60km/hr)。操縱可以駕駛艙、無線/有線遠距離操縱。
 
 
J-deite RIDE試驗型(全長約1.5米)預定2016年11月14日於美國「IAAPA Attractions Expo 2016」展出,預定2017年開發完成。