【玻璃又碎了】國際體操總會會長格蘭迪:中國該學學日本

【玻璃又碎了】國際體操總會會長格蘭迪:中國該學學日本

貴為歷屆體操強國、以往每屆摘金嘅中國體操隊今屆奧運失勢,只有團體賽贏得兩面銅牌。今屆成績更加係自1984年參加奧運起,30年來最差嘅成績(連銀牌都無)。反觀同樣來自亞洲,日本男子體操隊喺王者內村航平帶領之下擊敗連續兩屆金牌得主嘅中國隊,於男子團體同男子個人全能奪兩金。體操天才少年白井健三跳馬亦贏得銅牌。
 
兩國嘅差距到底在於乜?國際體操總會會長格蘭迪(Bruno Grandi)日前接受法新社訪問時就指出重點:「中國隊仍然停留在機械人式訓練。跟上潮流嘅係日本隊。
 
▲日本隊今屆出色嘅表現奠定咗佢哋係世界體操壇嘅地位。格蘭迪稱讚:「日本隊改善咗訓練架構,開始慢慢擺脫東方式嘅體操編排,開始融入西式體操嘅表現,即係更柔和、更具想像力同更具創意。」
 
▲日本體操王者、男子個人全能金牌選手內村航平
 
▲日本隊選手加藤凌平
 
▲格蘭迪指出佢並唔係想批評日本博大精深嘅文化,但佢讚揚日本隊呈現體操嘅方式非常成功地吸引及打動全世界嘅觀眾。佢覺得日本成功告別傳統,係中國隊都應該學習嘅。仲話如果中國隊一成不變,將會停留係機械人嘅level。即使佢哋嘅幾何線條再靚再完美,韻律仍然唔會存在。
 

▲中國嘅機械式訓練,其實眾所周知就係迫啲小朋友細細個就好開始日練夜練,可能你都曾經係臉書見過啲好可憐嘅訓練畫面。即將退任嘅格蘭迪就話自己就任期間最大嘅成就就係提高參賽選手最低年齡限制。「中國反對我嘅做法。你試下想像一個7、8歲嘅男仔每日練習7、8個鐘。」佢形容係「奴隸式」(a form of slavery)。
 
前意大利體操員嘅格蘭迪擔任主席20年,退任後將會由日本體操聯合會主席渡邊守成繼任。