無印良品書店@恵比寿

無印良品書店@恵比寿

無印良品書店「MUJI BOOKS」喺恵比寿誕生啦!
講起無印,我諗香港人第一時間諗到嘅就係文具。當然仲有佢果D安全又易用,設計簡單得黎又靚嘅雜貨同野食啦!佢受歡迎嘅程度大概係每個學生筆袋都會有枝無印筆咁樣!而家喺恵比寿,無印良品就唔止係我地認識嘅無印良品,而係開書店呀!
 
誕生於恵比寿!「MUJI BOOKS」
至今無印良品書店「MUJI BOOKS」喺日本國內有2間,分別係喺福岡博多同東京 有楽町。而今年,本身喺恵比寿嘅普通無印良品經改裝後就變左「MUJI BOOKS」啦!喺果到,有成1萬2000本書放喺你面前,如果識日文嘅朋友就可以慢慢揀番本啦,咁多書點都會有一本岩你嘅!
 
主要目標客戶係住附近的居民
今次重整之後嘅「MUJI BOOKS」主要係以附近居民為銷售目標,因為等佢地可以喺假期時一家大細一齊去睇下書行下,又或者係上班族收工時順路去睇下咁。不過唔洗擔心,咁唔代表你唔岩睇嘅,因為果到唔止書,仲有其他雜貨嫁!
 
無印風格書架超吸睛
當你一入到無印書店,就會有一種同普通書店唔同嘅感覺,點解?之唔係因為佢嘅店面設計囉!所用嘅書架唔係典型書店嘅書架,而係無印傢俬嘅書架,望落有種似屋企嘅感覺多過書店,好舒服呀!
 
不同空間會有相關書本
特別嘅一個重點,就係喺唔同area,就會有其相關嘅書放喺到。即係點?即係好似張相咁,大家都見到係賣小朋友衫嘅area黎,咁喺呢個area就會有好多彩色圖書放置喺到,比一齊黎嘅小朋友睇,廢事佢地等阿媽等到悶親。好貼心呀,小朋友專注睇圖書就可以令到媽媽專心揀衫,唔洗忙住湊佢地啦!

又好似呢張圖咁,喺唔同商品附近會放番相關書藉, 咁嘅銷售方式真係比較獨特呀!
 
化妝品corner
女性見到會好開心嘅化妝品corner都有呀!呢個corner可以比女性輕鬆試化妝品(當然係無印化妝品),慢慢試清楚先買,好貼心呀!
 
■ 基本資料
・前往方法:JR恵比寿駅直到
・營業時間:10:00~21:30