為咗◯◯可以去到幾盡?踩足兩日單車!

為咗◯◯可以去到幾盡?踩足兩日單車!

為咗◯◯可以去到幾盡?
岩岩睇到有日本巴打為咗◯◯,由福島出發去靜岡,踩足兩日單車!!!
究竟◯◯係咩呢?最後巴打有無成功呢?
有圖有真相!!!
 
8月10日,一開始係個女主角話一直都有睇男主角Twitter!仲話係住喺靜岡縣嘅高中二年生,問可唔可以同男主角見面~
男主角就話如果俾佢摸女主角個胸嘅話就見面~
咁女仔就好抵死咁話如果男主角踩單車嚟靜岡嘅話,就俾佢摸胸喎~
估唔到男主角竟然話即刻出發!!!
 
男主角即刻google map睇路線!唔係講笑,由福島出發去靜岡,真係幾遠吓㗎!
不過為咗摸到女主角個胸,大丈夫!!!
 
google完,男主角就準備踩車出發,8月11日0時就開始佢果個「おっぱいの旅」(胸部之旅)
呀!係呀!架單車係專登買返嚟!!!
 
8月12日,男主角呢兩日不停踩單車,終於入靜岡縣喇!!!
 
之後就去訓公園……好好休息……
 
男主角訓醒就去咗熱海,見唔到女主角,但見到唔少情侶,真係眼冤。
 
男主角一直sd msg俾女主角,話到咗靜岡,又問女主角住靜岡邊度。
不過,女主角就潛咗水,唔應機。
梗係啦,邊有人諗到男主角咁認真,真係踩單車嚟搵自己㗎?
結果係中午個時,男主角就sd最後一個msg俾女主角,同佢講要返屋企喇。
男主角喺Twitter話摸唔到胸,於是今朝就搭電車返屋企。
 
呢件事得出一個結論……
網上交友要小心,認真便輸了。
 
如果同佢講笑,叫佢游水嚟香港,你估吓佢會唔會真係即刻游水過嚟吖喇?
 
 
 
資料來源︰@wwwwwwwwnoriku