溜冰王子羽生結弦刷新今季世界紀錄奪國際花樣滑冰大獎賽日本站冠軍

溜冰王子羽生結弦刷新今季世界紀錄奪國際花樣滑冰大獎賽日本站冠軍

21歲嘅羽生結弦尋日於札幌市內舉行嘅國際溜冰聯盟花樣滑冰大獎賽日本站(NHK杯)以今季世界最高分數301.47分連續第二年奪得大會冠軍!
 
於短節目(Short Program)中即使初段出現小錯誤仍然冇影響到整體表現,並奪得今季世界最高分奪得第一位。表現曲目為美國著名音樂家Prince嘅《Let's Go Crazy》,羽生表示為咗更投入演出有花時間揣摸Prince嘅台風及舞蹈動作,及以紫色主題服裝向已故嘅Prince致敬。大家睇一次其實都會明點解羽生係世界冠軍。
 
第二日自由滑節目中音樂主題為《希望與遺贈》,音樂編排由著名音樂家久石讓鋼琴作品剪輯而成。同樣即使後半段出現摔倒情況,整體仍然以高分拋離第二位對手,並以總分301.47分打破300分大關奪冠,及以一站冠軍同一戰亞軍成績獲得挑戰12月位於法國總決賽嘅參賽資格。
 
兩場表演都發生一個失誤而美中不足,羽生BB都好可愛咁表演過後出現非常可惜嘅表情同手勢指自己差一點點!公佈結果時佢仲係一如既往拎住自己最鍾意嘅小熊維尼同表示自己真係好緊張,充分流露呢位世界級嘅溜冰選手非常人性化嘅一面,仲令到全場女粉絲笑出聲添!