消息已被落實!日本降低外國人材綠卡門檻 申請永住權5年變最快1年!

消息已被落實!日本降低外國人材綠卡門檻 申請永住權5年變最快1年!

舊年11月係網路傳出嘅消息終於成真!研究人員或者經營企業嘅專業人員由今年3月起便可以最短1年時間取得日本嘅外國人永住權「日本版高度外國人才綠卡」。現今需要喺日本居住5年先可以申請,但最新嘅申請條件會將申請人嘅學歷或年薪等資料化成點數,只要獲得高點數就可以縮短必要嘅居留期間。日本希望透過縮短期限至1年去吸引更多外國嘅人才移居日本。
 
消息已被落實!日本降低外國人材綠卡門檻 申請永住權5年變最快1年!
原本嘅話外國人要得到永住權係需要喺日本居住10年以上。自2012年起日本法務省引入「高級人材積分制」,分成「學術研究」、「專門/技術」、「經營/管理」三個領域等等引入唔同嘅分數制度。例如如果係研究人員、學歷達博士級就可有30分;經營企業嘅如果年薪達3千萬Yen以上就係50分等。只要得到70分以上就得到「高級外國人材」嘅認可,最快5年就可以得到永住權。而今次嘅永住許可申請期就將在留期間由5年縮短至3年。而且獲得80分以上嘅人更加可以最短1年內申請成功。
 

點樣計點數呢?例如:
消息已被落實!日本降低外國人材綠卡門檻 申請永住權5年變最快1年!
一個33歲嘅工程師共得80分,詳細分數如下:
34歲以下:10分
年薪600萬Yen:20分
博士或以上學歷:20分
工作經驗3年以上:5分
持有專利證明:15分
畢業自排名高的大學:10分
 
對真係想移居日本又有條件嘅外國人嚟講係真係幾吸引!不過講真,到底吸引到最多咩國家嘅人?睇番資料,截至2016年6月尾,憑呢個高級人才積分制獲得永住權嘅2688人之中,中國籍係佔最多,有成65%。

 

如果想睇下自己符唔符合資格,可以睇番法務省嘅官方網站(暫時只有英文版本)。不過暫時就未更新以上所講嘅新資訊。

新聞來源:朝日新聞