年尾果晩除咗NHK嘅紅白之外、日本四大電視台:日テレ,TBS,富士同朝日都有出年尾出特別節目,日本人仲有睇咩年尾特別節目呢?
到底邊個贏?
 
車長就係對紅白無興趣嘅人黎...
成晩就睇住日視個「ダウンタウンのガキの使いやあらへんで!!大晦日年越しSP!絶対に笑ってはいけない科学博士24時」,即係香港人話嘅「不能笑系列」,車長個人叫慣「唔準笑」。今年嘅主題大玩「科學博士」,車長係呢個系列嘅大Fans,DVD都有幾隻。
咁個收視率就出咗,民間都係得「唔準笑」可以喺紅白以外拎到超過10%。夜晩6點半至夜晩9點平均收視有近18%,夜晩9點半至零晨12點點半平均收視率就16.1%!
連續7年拎到紅白以外最高收視。
不過今年好可能係最後一年出現「唔準笑」。DownTown嘅濱田話同Staff嘅信頼關係無晒,仲對日視話除非出好多錢,否則好難再有唔準笑。而松本就好可能體力不足以應付咁長時間拍攝。(有日本芸人話松本呢個肋肉人得大力無耐力)
 
第2位係朝日嘅「くりぃむVS林修!年越しクイズサバイバー2016」夜晩6點至零晨1點最高收視率就7.1%。
仲有富士嘅「RIZIN WORLD GP決勝戦」夜晩6點半至夜晩11點9最高收視有近7.1%。
 
第3位係TBS嘅「史上最大の限界バトル KYOKUGEN2016」夜晩6點半至夜晩11點35分最高收視有近6.5%
 
以前有段時間,各大電視台都用格闘技去做年尾特別節目,TBS試過09年個陣有過16.7%輝煌記錄,但同年開始「唔準笑」嘅酒店人就追住格闘技打,10年開始就係「唔準笑」贏,一直贏到今年。
 
有日本人就話「唔準笑」十年如一,不過車長認為今年唔準笑係近4年之中最好笑,車長當然唔會劇透。
不過車長喺網上搵到啲野。
 

就係camera嘅指示同地圖。
 
唔好問車長邊度有得Download「唔準笑」,麻煩大家自己去Google!
不過要支持買佢哋嘅DVDBluray呀!有大家支持先可能繼續有唔準笑系列。
 
另外1月3號晩20:54~22:54會播「ダウンタウンのガキの使い!絶対に笑ってはいけない科学博士!一挙大公開SP!!」「唔準笑科學博士一舉大公開SP」
大家唔好錯過呀!