比卡比卡!淺草有隻重口味「比卡超」

比卡比卡!淺草有隻重口味「比卡超」

人人都等玩Pokemon Go等到頸都長!
琴日仲要被昆睇live,係咁聽到「脾加蕉!脾加蕉!」
成6千人超嬲嬲豬
巴打們!絲打們!唔好嬲~唔好嬲~
今日一於俾隻重口味「比卡超」大家睇吓!引吓大家笑先
 
 
淺草雷門有「比卡超」出沒!!!!!
唔知點解見到呢隻「比卡超」就好想笑XDDD
 
 
呢位叔叔扮「比卡超」,仲高舉個牌叫玩Pokemon Go嘅大家玩佢喎~
哈哈哈~點敢玩佢呀?爭住幫佢影相就真!!!
 
 
 
原本係就咁影「比卡超」叔叔,當有多一隻「比卡超」出沒之後,就開始引嚟唔少遊客爭住合照!
 
 
 
我都想同「比卡超」合照呀!好提子呀!!!
 
 
打側睇,「比卡超」好似有咗身孕咁!而企埋一邊嘅「比卡超」好sexy!
叫我點樣直視佢呀?以後諗親真‧比卡超,我都會諗起佢地!
 
 
即使再熱,呢兩隻「比卡超」都面帶笑容!自己都想笑埋一份!
但係,但係,真係太sexy喇
 
 
食煙嘅「比卡超」,終於見到喇!零違和感
講真,夏天咁鬼熱,仲要熱住貼身長袖衫褲企喺戶外,唔辛苦唔熱就假!
雖然,重口味咗少少,不過呢隻「比卡超」帶俾大家咁多歡樂,起碼唔會嬲嬲豬先啦!
 
Anyway,究竟幾時先有得玩Pokemon Go呀?