【死亡筆記新作上畫】戶田惠梨香下個月嚟香港撐場!

【死亡筆記新作上畫】戶田惠梨香下個月嚟香港撐場!

唔覺唔覺死亡筆記第一集上畫到而家,眨個眼就已經過咗10年,主角戶田惠梨香已經由當初嘅𡃁妹仔變成而家嘅魅力女神,真係可以話係睇住佢長大。
 
 
而今次最新一集《死亡筆記:照亮新世紀》,佢會再次扮演彌海砂一角,故事嘅發展會係點,真係好令人期待!
 
 
新戲會喺12月15日先正式喺香港上映,不過戶田話佢會喺12月9日就先飛過嚟香港為套戲做宣傳兼出席首映禮,死亡筆記嘅粉絲們聽到呢個消息應該已經夠興奮啦~
 
未睇過呢部戲的話都唔緊要,因為電影公司確認會喺12月10日喺荃新天地舉行《死亡筆記》馬拉松活動,一次過放映哂之前3套嘅《死亡筆記》,等未睇過嘅觀眾有機會接觸吓套戲之餘,想重溫吓嘅粉絲亦可以借呢個機會溫故知新咁話喎。
 
《死亡筆記本》
 
外傳《L:最終的23日》
 
 
《死亡筆記:照亮新世紀》故事簡介:
夜神月之父夜神總一郎所創設的「死亡筆記本對策本部」,仍依舊為了正義堅守崗位。領導人是繼承總一郎位置的三島,以及唯一經歷過十年前死鬥的松田。這支五人特殊小隊的總部,設立在東京最高治安機關—警視廳內。
 
夜神月與L兩人對決雙雙死亡的十年後,擁有L的基因、謂之L正統繼承者的龍崎,偵破了俄羅斯渥爾斯街與日本澀谷相繼發生的多起死亡筆記殺人事件,並追查死亡筆記本為何再度出現在人間,且高達六冊之多。
 
此時,自稱「Killer Virus」的電腦病毒,發出威脅訊息,要回收共6 本死亡筆記......圍繞死亡筆記的爭奪戰即將展開。