死亡筆記回歸!戸田恵梨香確定出演!

死亡筆記回歸!戸田恵梨香確定出演!

日本超人氣電影《死亡筆記》最新作將會係2016年10月29日正式公映。
 
一開始話有新作嘅時侯,大家都非常興奮,包括我。仲好記得當時嘅我好鍾意藤原龍也做嘅夜神月!但係始終舊作都死左,要佢再返生都好難。所以2016年嘅新作就會設定為夜神月與L對決嘅10年後,死神和死亡筆記再現人間,令世界再次陷入混亂。主演嘅變成搜查官三島創(東出晶大)、擁有L遺傳基因,被稱為「L正統繼承人」嘅龍崎(池松壯亮)、同埋恐怖分子紫苑優輝(菅田將暉)
 
 
唉…全部都新面孔嚟嘅…好失望!唔駛傷心住,啱啱早兩日就公佈左一個令人振奮嘅消息。
 
就係戶田惠利香確定參演,仲繼續做返彌海砂添。彌海砂因為放棄左死亡筆記嘅擁有權而失去咗相關記憶,仲繼續以演員身份活動,但係另外6本死亡筆記降臨人間,10年前用過死亡筆記而且唯一存活嘅彌海砂就成為故事嘅重要人物。
 
 
無左夜神月同L,好彩都有番個彌海砂!由於有6本死亡筆記嘅關係,所以分別有6個唔同嘅擁有者,其中一個就係前AKB48川榮李奈,佢外表係普通女仔,但實際上佢係一個殺人狂,不分善惡,鍾意就殺,算係史上最惡嘅筆記擁有人。
 
 
電影未有正式預告片,但係日劇版死亡筆記最終回就發佈左呢個特別映像同大家講將會有電影版。仲有最舊版嘅夜神月同L,俾大家睇下啦!