橫濱紅磚倉庫・期間限定Flower Garden!!

橫濱紅磚倉庫・期間限定Flower Garden!!

橫濱呢個地方我諗都有唔少朋友去過啦,事關果到又有杯麵館,摩天輪乜乜乜,都屬於係旅遊勝地。咁唔知你地又有無去過紅磚倉庫呢?因為黎緊4月,喺果到有個期間限定嘅「Flower Garden 2016」呀!!!
 
為左慶祝復活節,由4月2號到4月24號起計23日裡面,喺紅磚廣場果到會有一個flower garden,共約有80品種嘅花花草草展示出黎呀!
為慶祝今年4月橫濱紅磚倉庫「復活」(改裝重開),所以就將倉庫以復活節為主題。
而由於今年係紅磚倉庫創設105週年,喺花田果到就會有105隻復活兔兔造形登場呀!
會場裡面會分開5個區域,喺入口會有一個大大隻,歡迎客人嘅復活蛋迎接大家。
而今年亦首次嘗試每晚6點鐘開始,會有投影喺隻大蛋到,配合花田,令客人更加享受到夜晚紅磚倉庫嘅魅力。

另外,有一個區域係可以被人踏喺草地上,令小朋友唔單止可以欣賞植物,仲可以學習同大自然一齊玩呀!
嗱係唔洗入場費嫁,係咪爽呢!
 
其實喺紅磚倉庫到,無耐就會有唔同種類嘅活動,
好似我上年去嘅時候,就撞正有人唱歌,好多汽車攤檔,開哂party咁,好好氣氛嫁!
而且本身喺倉庫入面已經有好多唔同鋪頭,shopping又得,被人畫畫又得,絕對好玩呀!