東京購物好去處排行榜!!!

東京購物好去處排行榜!!!

個個去東京旅行都鍾意shopping shop到世界盡頭
到底東京有咩地方好shop呢?
有個日本網站就定期會有D排行榜,
美食排行榜,購物排行榜,觀光排行榜乜乜乜,
話比大家知近期最受歡迎嘅地點係邊到,
等大家有個參考。
今次就講下港人最愛嘅shopping地方頭5位先啦!
(呢個係2015年上半年嘅排行榜,唔知點解佢仲未update)
 
第5位
上野阿美橫丁商店街(アメ横商店街)
相信大家都唔會對呢條街陌生啦!
佢最出名就係果D超平嘅運動用品同水果啦!
 
 
第4位
代官山ROOTOTE GALLERY
呢間係一間賣環保袋嘅店,
有成300幾種唔同嘅自家制環保袋,
雖然我就未去過,但呢間野好似都幾出名嫁,好似。
 
 
第3位
東京駅一番街
呢條「街」我諗都唔少人聽過甚至去過,
因為佢要手信有手信,要野食有野食,要限定商品有限定商品,
反正就乜都有,同埋去到一定會買到野!
 
第2位
南青山Spiral Market
呢間係一間將生活同藝術融合於一身嘅雜貨店,
室內雜貨,治癒系商品,postcard等等共約60000件商品任君選擇!
 
第1位
自由の丘LA・VITA
位於自由の丘嘅歐陸式水都,的確係去親自由の丘都必去嘅。
雖然佢唔係日式,但精緻嘅設計的確會令你唔想走!
喺果D咁靚嘅建築物入面,有時裝店,有雜貨,都有髮型屋,
非常有特式!