《東京喰種》真人電影:蒼井優 大泉洋參戰

《東京喰種》真人電影:蒼井優 大泉洋參戰

之前同大家講過《東京喰種》將會翻拍真人版電影仲公開咗男女主角名單,今次官方解禁埋第二輪演員情報啦!將會參與電影拍攝嘅有永遠童顏蒼井優、實力派男演員大泉洋同嚟自劇團EXILE嘅鈴木伸之! 
 

《東京喰種》嘅男女主角就已經公佈咗會係窪田正孝同清水富美加分別飾演。而今次官方就揭露本作重要人物之一,病嬌殘酷女喰種神代利世將會由蒼井優飾演。另外,奮戰喰種們嘅搜查組織CCG入面嘅重要角色亞門鋼太朗同拍檔嘅真戶吳緒,就係分別由鈴木伸之同大泉洋飾演喇!
 
《東京喰種》真人電影:蒼井優 大泉洋參戰
▲蒼井優就話好耐已經被朋友強烈推薦睇呢套作品,今次都覺得要還原漫畫係一個挑戰,但係佢就好期待完成嘅作品。佢話拍攝現場嘅所有人都係一條心,令佢覺得好安心同埋會好好加油呢!
 
《東京喰種》真人電影:蒼井優 大泉洋參戰
▲曾為宮崎駿及細田守等大師級動畫作品配音嘅實力派演員大泉洋就話今次對佢嚟講係個極大嘅挑戰,但就非常值得去參與拍攝。
 
《東京喰種》真人電影:蒼井優 大泉洋參戰
▲曾拍過日劇《GTO》同電影《狼少女與黑王子》嘅鈴木伸之本身都係呢套作品嘅粉絲,佢非常高興可以飾演亞門呢個咁有魅力嘅角色,希望大家可以多多指教呢!
 
電影2017年就會係日本全國上映,即管睇吓到時拍成點啦!
 

《東京喰種》真人電影:蒼井優 大泉洋參戰
▲結果,到底係邊個會演月山XD