【材料同地點都好重要!】日本人「蝦碌」重開時間囊

【材料同地點都好重要!】日本人「蝦碌」重開時間囊

睇過日劇都知道,日本人好鍾意喺畢業嗰陣或者有紀念價值嘅日子埋下時間囊,寫低一啲小秘密、對未來嘅自己嘅說話或者夢想,到好多年之後再開返出嚟睇。
 
成件事原本好浪漫,不過有啲日本人就因為選錯時間囊嘅物料或者埋藏地點,搞到入面兒時嘅回憶面目非甚至想拎返出嚟都拎唔到,可憐得嚟又好蝦碌,如果我係當時人,真係唔知笑好定喊好......(´Д`υ)
 
失物組:
 
圖片來源:twitter.com/UjVEzQPbDs
無論點挖,呢位網友挖極都挖唔到個時間囊,會唔會畀邊個拎走咗?(笑)
 
佢地特登約齊人一齊掘,但都搵唔返個時間囊,唯有YEAH住咁影張相留個念啦~
 
物理上無法回收組:
 
圖片來源:twitter.com/6g4ZANyMLT
呢位網友話當佢返返去二年級埋藏時間囊嘅地方發現嗰度已經變成一片石屎地......完全感受到當時人嘅無奈......
 
完全變樣組:
 
圖片來源:twitter.com/KRdTcY9A6D
個時間囊個樣變到咁你地都認得﹗唔講仲以為係一舊垃圾添!(;0д0`)
 
圖片來源:twitter.com/YvH25rpeXT
呢個只係埋咗5年嘅時間囊,入面嘅信竟然已經變到好似枯葉一樣,到底係張紙自我分解能力太好定個罐入面發生過乜野事?
 
圖片來源:twitter.com/VYk9YJzauD
呢位網友喺小學生嘅注目禮之下好順利地搵返個時間囊,不過一打開就非常驚嚇,入面竟然出水,信紙仲已經被浸到霉霉爛爛,入面發出陣陣惡臭,到底除咗信紙,佢仲放咗啲咩野入去!?
 
迷之內容組:
 
圖片來源:twitter.com/rmlxZJBo1z
順利搵返個時間囊並唔代表成功搵返兒時回憶,好似呢位網友咁,打開個時間囊發現入面有封畀Mayu(まゆちゃん)嘅信,但重點係網友個名並唔係叫Mayu......硬係覺得呢件事有少少恐怖。
 
圖片來源:twitter.com/
網友突然收到小學生嘅自己寄嚟嘅信,數數手指都十幾年,入面嘅文字充滿稚氣,連本人都睇唔明睇唔透當年到底寫咗啲乜野畀自己!