未羸日圓已經上過7.66! 而家特朗普贏咗啦~

未羸日圓已經上過7.66! 而家特朗普贏咗啦~

今日香港最受關注嘅詞語肯定就係「特朗普」、「希拉莉」同「賓州」,今年嘅美國總統大選真係未有結果已經「震驚」全球。不過既然呢度係「Like Japan」,就自然望返日本先啦。
 
 
 
 
首先梗係日圓啦,日圓一直都係投資客心目中嘅上佳「避險貨幣」。投資者今朝見特朗普好似勢兇夾狼,為咗避開政治同經濟局勢動盪嘅風險,今朝已經喺咁貨將美元換做日圓之類避險。
 
 
日圓未放lunch已經上到7.59,之後重曾經到過7.73算! 雖然日本內閣官房長官菅義偉出聲話政府有需要會干預之後,每百日圓兌港元個位就去返7.51左右,不過特朗普當選,加上歐洲重有一堆公投同選舉排緊隊,預計日圓都要維持一段時間強勢啦。