【會說話的垃圾桶】萬聖節前夕渋谷街頭等你!

【會說話的垃圾桶】萬聖節前夕渋谷街頭等你!

又到一年一度嘅萬聖節,一班嘩鬼又出動四圍搞搞震啦!不過玩時玩,走嘅時候記得將垃圾放入垃圾桶至好走!
 
為咗鼓勵啲人要將垃圾掉入垃圾桶,日本有間叫SOD嘅公司就特登整咗啲會講野嘅垃圾桶出嚟,諗住喺29號放喺渋谷,當有垃圾掉入去,個圾垃桶就會講野,可能係讚你叻叻豬,又可能係會喪鬧你,仲會sense到你舊垃圾嘅大細,大嘅會話你好大,細嘅又會笑你細,好盞鬼!
 
垃圾桶把聲係由女優聲演,唔怪得聽落咁銷魂啦......
 
啲垃圾桶好高科技,唔單止知道你舊垃圾嘅大細,仲偵測到垃圾桶Full未,每次講嘅野仲係唔一樣㗎添!
 
萌える萌えないビンカンゴミ箱
地點:CLUB ASIA横駐車場(東京都渋谷区 円山町1-8)
放置日期:10月29日
放置:19:00~24:00