最注目乃木坂新Center喊住誕生:最年輕1期生17歲空氣少女齋藤飛鳥

最注目乃木坂新Center喊住誕生:最年輕1期生17歲空氣少女齋藤飛鳥

乃木坂46喺節目「乃木坂工事中」發表咗第15隻單曲嘅選拔成員,仲公佈咗今次將會第一次由1期生入面最年輕、得17歲嘅齋藤飛鳥做Center呀!佢將會係繼生駒里奈、白石麻衣、堀未央奈、西野七瀬、生田繪梨花同深川麻衣之後,乃木坂46第7個center呢。
事關今次收單曲將會係暑假期間發售,聽到呢個意外消息嘅飛鳥就話好緊張,覺得夏天曲風咁開朗活潑,更自己唔識合呢種風格擔當唔嚟,仲忍唔住喊出黎即場道歉添呀!都未唱就戴定頭盔,傻妹嚟嘅。不過當然啦,13歲出道以來係一旁努力咗14首單曲都之後佢終於有得做center喎!之後佢都話知道自己而家有少少混亂,冷靜返之後就一定會加油嘅。

 

今次單曲同樣會企第一行嘅有橋本奈奈未、西野七瀬、白石麻衣、生田繪梨花;第二行有高山一實、衛藤美彩、松村沙友理、秋元真夏、櫻井玲香。第三行係北野日奈子、星野みなみ、若月佑美、生駒里奈、堀未央奈、中元日芽香。第一同第二行成員加埋就係「十福神」。

《齋藤飛鳥小檔案》
暱稱:あしゅ
生日日期:1998年8月10日
血型:O型
星座:獅子座
身高:158cm
 
飛鳥妹妹終於等到呢一日啦!已經令人好期待今次嘅單曲呢!