【暑假期間限定】去大阪環球影城睇USJ48!

【暑假期間限定】去大阪環球影城睇USJ48!

今次正喇!記唔記得前排同大家講過AKB48成員6月頭會係日本大阪環球影城搞特別版公演?當時話會有秘密消息同大家宣布,尋日終於公佈咗,原來嚟緊成個暑假幾乎每日都會有48系列組合成員係USJ公演,同大家玩盡佢!
 
【暑假期間限定】去大阪環球影城睇USJ48!
 
AKB48總監督橫山由依親自宣布48系列嘅選拔成員將會係7月21日到9月4日期間,喺USJ進行112場「ーTHEATREー」公演,另外「ーLIVEー」就係AKB、NMB、HKT、NGT嘅成員會進行分別8場Special Live。其實今次呢個夢幻嘅組合係慶祝USJ建立15週年,同埋AKB48出道10週年嘅紀念活動。期間每日都會喺「Stage 14」有2至3場公演,大家真係千祈唔好錯過!
 
【暑假期間限定】去大阪環球影城睇USJ48!
可以一次過睇晒咁多隊組合嘅成員同場演出,身為粉絲嘅真係發達啦!橫山仲笑話今個暑假將會多咗隊「USJ48」,真係令人好興奮!以為自己錯過咗嘅粉絲終於唔使喊濕枕頭,快啲plan下幾時去仲好啦!
 
【暑假期間限定】去大阪環球影城睇USJ48!
詳情可參閱USJ官方網站