【日本麥當勞冬季限定】黑白朱古力雙殺

【日本麥當勞冬季限定】黑白朱古力雙殺

期間限定係香港人嘅致命字眼,一見到限定就會唔理三七二十一買咗返去先算!梗係啦,唔買返香港後悔點算,到時真係喊都無謂。
 
【日本麥當勞冬季限定】黑白朱古力雙殺
 
今期冬季日本麥當勞又再次推出兩款非常誘人嘅期間限定朱古力批,一黑一白,外皮超脆,朱古力迷真係無理由唔試!
 
【日本麥當勞冬季限定】黑白朱古力雙殺
 
黑色朱古力批今年特別在於入面嘅朱古力量係比之前多出20%,爆漿效果更加誇張,細細啖咁咬一啖,入面嘅朱古力醬已經好唔安份咁爆哂出嚟,好香濃口感好rich!
 
【日本麥當勞冬季限定】黑白朱古力雙殺
 
而白色呢一個就係用咗白朱古力去整,有淡淡嘅雲哩拿味,加埋一粒粒果仁嘅口感,成個批感覺好creamy,又唔會太甜,都幾好食。
 
呢兩個批過多2日就有得試,不過因為供應期唔長,要試就要快啲試啦!唉…….食完返到香港一定會超掛住,如果香港都有得食就好啦。
 
三角朱古力批「三角チョコパイ」
發售地點:日本各大麥當勞
發售日期:黑色朱古力批 2016年11月16日~2017年2月中旬
白色朱古力批 2016年11月16日~12月中旬
售價:¥120