「日本美斯」久保建英成功刷新日職最年輕上陣球員記錄

「日本美斯」久保建英成功刷新日職最年輕上陣球員記錄

5/11/2016更新:
久保建英已成功刷新紀錄,較早前嘅比賽,上半場FC東京U-23以2:0葴落後於長野帕塞羅體育會,下半場久保建英入替中場小山拓哉上陣,並多次突破長野左路嘅防守。

比賽最後結果:FC東京U-23 1:2 長野帕塞羅體育會

 
==============================================================================================
 
由巴塞隆拿青年軍回流日本FC東京,15歲嘅久保建英,據日本傳媒soccer digest web報導,已從U-18嘅青年軍上調至參加日職J3聯賽嘅東京FC U-23一齊練習,領隊中村忠就話週六對長野帕塞羅體育會的比賽如果戰況許可,就會派佢落場比賽。
 
 
當然啦,由於比賽嘅陣容係當日先決定,所以而家都未知佢有冇份踢。如果成事,佢(15歲5個月1日)就會打破由森本貴幸保持(15歲10個月6日)嘅紀錄啦。
 
 
誰是久保建英?
講咗咁耐,原來連佢係邊個都未講(笑)。不過平時跟開日本足球,又真係未必識佢嘅。(其實小編都冇跟開……)不過如果提起巴塞因為簽咗個日本神童,最後因違反未成年球員註冊規定俾FIFA 重罰暫停三次轉會窗轉會。
 
被日本傳媒捧做「日本美斯」(沙基利、巴杜斯、卡拉莫高丹比利,美斯30未夠就有N個新美斯)嘅久保建英加盟FC東京,同U-15踢都照樣超晒班。
 
 
唔單止14歲就被目標參加2019年世青盃嘅U-17徵召,而家重有機會機會成為日職J聯盟最年輕出場球員添。有傳佢有機會一夠18歲就會俾巴塞簽返。究竟佢最終會係下一個巴塞ICON美斯? 定係FM妖人艾杜呢?XD
 
 
跟住又係例牌嘅球王片時間!!

 
2016年11月5日(六)2016明治安田生命J3聯賽第28場
FC東京 vs 長野帕塞羅體育會(日本時間13:00開賽)
地點:駒澤奧林匹克公園總合運動場陸上競技場(東京都世田谷區駒澤公園1-1)