日本神手!用筷子捉老鼠!

日本神手!用筷子捉老鼠!

以前睇戲就睇過和尚仔用筷子喺半空中夾烏蠅當豆豉食,覺得好誇張,喺到諗有無咁堅呀?
 
估唔到日本有位巴打堅過石堅!
用筷子捉老鼠!!!
 
 
話說,屋企突然有老鼠,家姐就嚇到飛起。
於是,弟弟就英雄救美,用筷子一嘢夾起咗隻老鼠!
咦!?睇真d,係好細隻老鼠仔嚟!
家姐就覺得老鼠仔好卡嘩依呢,唔再驚。
不過,老鼠仔下場係點就唔知喇~~~
只係知弟弟原來本身有養開倉鼠!
 
 
呢件事令我諗起曾經喺某店打工,有客人話發現有老鼠,我被委派去捉= ="
點知,發現都係類似嘅老鼠仔,我唔忍心打死佢,只係用個筲箕笠住佢。
然後,店長就走嚟用膠袋笠住隻老鼠仔,行出鋪頭,去對出嘅花園放生隻老鼠仔。
 
 
 
資料來源︰@8210foo/Twitter