日本瘋傳!最強基因!堀北真希親妹現身?

日本瘋傳!最強基因!堀北真希親妹現身?

其實上年開始喺Twitter就已經流傳過號稱「堀北真希妹妹」嘅貼紙相,網民仲即刻整咗個對比圖,話佢哋一模一樣。可惜消息曝光無耐,呢個Twitter account就即刻關閉咗。
 
 
本名「原麻里奈」嘅堀北真希亦曾經喺節目入面提過屋企有三姐妹。二妹叫「原麻美」,三妹叫「原奈奈美」。不過據聞兩個妹妹都比較低調,今次三妹被發現嘅原因係因為工作關係經常曝光而被認出,擅長起底嘅網民仲搜尋埋佢就讀學校位置等等嚟查證。唔少網民亦大讚佢同堀北好似樣同好可愛?。
 
 
身為三妹妹嘅「原奈奈美」除咗擔任美睫師外,仲經常做唔同嘅模特兒工作。
 
 
不過網民暫時只係搵到佢嘅IG account,同時一直求證佢嘅身份都不獲回覆,可能係唔想俾人打擾佢嘅生活,繼續低調。雖然係咁,但喺Twitter就已經有人自發性幫佢開咗個應援帳戶。
 
 
其實自堀北真希結婚之後,好多日本男士個心都碎到一地,而家發現咗妹妹之後,即時有種重生嘅感覺。而網民除咗欣賞佢嘅美貌之外,仲不禁讚嘆基因嘅重要性,只能說一句「公平咩!」。