日本校服「文青化」 短裙長襪不再是王道

日本校服「文青化」 短裙長襪不再是王道

講起日本女學生制服,你會起乜?水手服?短裙大象襪?長到死嘅冷背心同短到僅僅遮到屁股嘅超短裙?
10年前,喺日本講起女高中生制服就一定係短裙配藍色長襪。唔少女神想當年都喺日劇有作過呢個打扮。當年超多少女辣妹參拜嘅時尚聖經「Popteen」、「Seventeen」等雜誌都經常搵嚟模特兒配搭將校服著得有型、kawaii。

 

但今時今日,呢個風氣已成為過去!現代女高中生流行嘅標準係及膝長度校服裙+白色短襪!
 
「GIRL’S TREND 研究所」針對154個女高中生調查咗佢地嘅「校服裙長度」。結果顯示,37.7%嘅學生都話及膝先係主流!而且,第二位嘅膝頭哥上5cm以內有29.9%,而膝上5cm以上嘅得第三,有21.4%支持率。
 
俾大家睇個效果圖、其實即係:

 

除了裙長度之外,就連學生襪嘅潮流都變更緊。
 
90年代超級流行嘅大象襪沒落,就算啦。而家最興嘅係有成44.2%支持率嘅短襪,睇嚟係因為條裙長咗,而依家潮流又興長裙配短襪,導致女高中生嘅校服都起咗變化。另外,令人匪夷所思嘅係第二位嘅泡泡短襪。10年前都未出現過嘅襪款,相信係短版嘅大象襪化身。
 
唔少2字頭、3字頭嘅日本女性見到呢個結果都大嚇一跳,不禁感嘆時代嘅變遷真係快...想當年小編我都不知幾羨慕日本校服文化...估唔到如今佢哋嘅校服裙長度同香港竟然差唔多,仲要襯埋短襪。不過我相信,2次元嘅女高中生啊、女偶像啊、都將會繼續維持短裙打扮嘅!