新宿美食・特大芭菲!!!

新宿美食・特大芭菲!!!

大家鍾唔鍾意食芭菲呢?我就勁鍾意啦!尤其係大大個果D呀,食到飽哂會好滿足!我就知道喺新宿有一間cafe,有好多唔同種類嘅芭菲揀嫁!而且!!有幾款仲好大杯添!岩哂我呢D對甜品極貪心嘅女人哈哈!
 
佢就係カフェ・エストエスト(Cafe Est! Est!),位於新宿區,距離車站只係1分鍾咋!
係超方便嘅一間Cafe。環境以白色為主調,簡潔乾淨。
而佢除左芭菲之外,都有其他正餐嘅,Lunch Set 780円起,價錢正常唔算貴。
 
好啦,咁佢個重點就梗係果D又大賣相又靚望落又勁想食嘅大大芭菲啦!
佢地個芭菲除左有雪糕,cream之外,仲會有海棉蛋糕,朱古力蛋糕之類唔同料喺入面,超級豐富嫁!至於有幾大?比相你地睇下啦!
 
呢D係普通芭菲,不過都有好多種類,有選擇困難症嘅恭喜你,應該要揀到夜晚。
望到都肚餓啦!雖然岩岩食完飯。。
 
到大芭菲黎啦!我諗要2個人share先食得哂囉!
 
大芭菲嘅價錢大約係千二/千三円左右,接受到丫完全!
咁到底實物會唔會好似M記咁相差好遠呢?結果係。。。。
一樣咁吸引呀!
 
生日嘅話仲可以加枝煙花蠟燭,夠哂驚喜丫!
 
營業時間:11:00~23:00(last order 22:30)
預算:1000円~1999円