打破長工時?日本Yahoo研一周三休!

打破長工時?日本Yahoo研一周三休!

日本打工仔工時長就出晒名,不過日本Yahoo為咗令工作模式多樣化同留住優秀人才,正研究推出一周三休嘅制度,一反傳統嘅日本工作模式。
 
打破長工時?日本Yahoo研一周三休!
 
Yahoo日本社長宮坂学表示工作時間同生產率係有不可分割嘅關係,所以佢地研究將「一周三休制」分階段實施。首階段員工可於每周自由選兩日放假,其後則會逐步改成「一周三休」,目標於數年內達成。
 
除此之外,Yahoo日本亦會由下月起,為員工提供每月上限15萬日圓嘅實報實銷新幹線車費;而員工每月亦可以有5日在家工作,上班彈性大大增加。
 
對於香港人嚟講,呢個係咪一個遙不可及嘅上班制度呢?