成宮寬貴被指吸毒照片 真相其實係…少女心爆發!?

成宮寬貴被指吸毒照片 真相其實係…少女心爆發!?

34歲男演員成宮寬貴被八卦雜誌《週刊Friday》刊登疑似吸毒照片,被指與朋友在房間內用鼻吸食可卡因。報導指出相片係由佢朋友提供,攝於11月9日凌晨3點幾。張相初步睇就見到檯面好亂,有啤酒罐、煙、打火機,玻璃杯旁邊有塑膠紙,同埋有啲白色粉末添。成宮出道以來形象一向健康,今次報道引起好多粉絲同觀眾熱烈討論,加上最近唔少娛樂圈人士因吸毒被捕,令唔少人都懷疑件事嘅真偽㖭!
 
成宮寬貴被指吸毒照片 真相其實係…少女心爆發!?
 
成宮寬貴就非常憤怒地指呢個報道根本冇事實根據,並發表聲明話「我,成宮寬貴,絕對沒有使用藥物」,相關經紀公司仲準備採取法律行動。不過有眼利嘅網民就發現咗更加特別嘅事情真相喎。
 
一齊睇下:
成宮寬貴被指吸毒照片 真相其實係…少女心爆發!?
成宮寬貴被指吸毒照片 真相其實係…少女心爆發!?
 
睇唔明日文唔緊要。雖然成宮一直否認吸毒但冇說明枱面上嘅係乜嘢,但眼利嘅女網民就話枱面上擺放嘅係呢包超可愛嘅「たのしいケーキやさん♪」、即係用來整手指size嘅蛋糕、雪糕嘅玩具糖果!Tune番光張相都真係幾似!
 
成宮寬貴被指吸毒照片 真相其實係…少女心爆發!?
成宮寬貴被指吸毒照片 真相其實係…少女心爆發!?
成件事即刻充滿少女心,大家都話個包裝真係100%似,仲覺得成宮半夜三更玩呢啲真係超級可愛添!
 
點都好,有傳今次嘅報導差啲令電視台差啲封殺佢。連DOWNTOWN嘅松本人志都好嬲話吸毒呢家嘢基本上係「三人言市有虎」,只要你話人地「疑似」就都會有人信。《FRIDAY》今次未經證實就話人哋吸毒,唔單止累到人哋形象冇得返轉頭,如果成宮真係清白嘅話真係「廢刊」都得啦喎!