日本人一向都一向俾人一個非常重視工作嘅感覺,就算有有薪假期,好似都從來唔會用咁嘅樣,我地先嚟睇下佢哋點解唔用自己嘅大假。
 

片段來源:TOKYO MX
 
總結新聞,不外乎都係嗰幾個原因:
 
1認為冇出現特別可以攞假嘅原因/狀況
2身邊同事冇人攞
3覺得影響到上司/同事
4覺得唔可以攞
 
老實講,唔攞大假嘅人真係咩地方都有,不過原因係咁就真係接近限定。不過各位覺得日本人好努力同無私嘅朋友都唔洗氣餒,起碼我哋係大假數目上同日本平起平坐……不,應該係贏咗日本
 
 
日本每年有8日大假,慘敗於36日嘅法國同25日嘅德國之下。(香港好似得7日……)
 
 
 
最近嘅長假期之後,更加有食肆直指兼職員工都唔應該喺新年請假,以後唔會俾佢地放長假。又話因為大家都請假,搞到佢間舖新年消費高峰期休息。又話由1月開始成日想請假嘅員工會被視作對公司冇貢獻而減少排班。
 
最後佢仲講員工任何時候都應以店舖營業為先,而且兼職員工都係學生,長假期基本都唔洗返學,所以佢地放假都係私人理由,所以星期六、日、公眾假期都一樣,多以學業以外理由請假嘅員工亦會減少排班。
 
 
呢個通告就引起網友激烈討論啦,有人不滿兼職同正職除咗待遇根本冇分別,亦有人認為如果入職時公司有聲明就無不妥。甚至連朝日電視台嘅晨早節目亦有為「元旦前後應否唔休息為公司工作」做問卷調查。
 
 
結果係……
 
超過7成同意應該為公司工作WWWWWWWWWW
 
這根本就是比獅子山精神更獅子山精神啊!!!!!!  各位想去日本工作嘅朋友,去之前記得考慮埋呢個因素啊!!!