大雄…啊唔係，今年35歲嘅日本人氣演員妻夫木聰今日宣布同31歲混血女演員マイコ（Maiko）結婚喇！兩位係4年前嘅夏天拍攝日劇《東野圭吾推理劇場–全都是謎》之後開始拍拖。
其實兩位拍拖都唔係新鮮料，有雜誌更加傳舊年妻夫木聰向上門按摩師要求性按摩服務嘅醜聞，懷疑因此令到兩人關係緊張結唔成婚。亦有傳美國西雅圖出世嘅Maiko係名門望族，而佢媽媽認為妻夫木聰無學歷、收入亦唔穩定所以反對兩人嘅婚事。不過今日宣布兩人嘅喜訊實在可喜可賀呢！
兩位仲親自寫通知信俾傳媒公佈婚事，真係好有愛啊~
About Post Author
