岩井俊二最新作!《夢の花嫁》3月17號上映!

岩井俊二最新作!《夢の花嫁》3月17號上映!

岩井俊二最新作品《夢の花嫁》3月17號就上映啦!香港影迷好幸福,因為比起日本,香港仲早左一個禮拜上映。唔講唔覺原來岩井俊二對上個套日語電影已經係12年前嘅《花與愛麗斯》。今次電影會繼續運用清新同夢幻嘅風格帶出而家虛擬世界現象,這麼近那麼遠,看似真實…但實際又係唔係咁…?
 
 
劇情簡介:
 
七海 (黑木華 飾)係一個兼職高中教師,性格內斂冷漠,只有係網絡世界先可以令她佢安然咁同外界接觸。某日,佢識左一個叫鐵也嘅網友而且開始約會,好快仲拍埋拖結埋婚。可惜婚後只係幾個禮拜就發現老公出軌,仲要俾奶奶屈佢不忠趕左佢出門口。七海大受打擊,另一位網友安室(綾野剛 飾)知道左之後,就引薦佢去左一個豪門家庭入面做留宿女傭。仲因為咁識左新同事兼朋友真白(Cocco 飾)。由於真白嘅積極爽朗,七海漸漸走出陰霾,開始重新振作。好可惜,七海竟然發現安室、個座豪宅同好朋友真白原來唔係佢想像咁樣,呢段猶如夢一般嘅日子亦漸漸甦醒……
 
 
小編好鍾意呢類型嘅電影,即係唔去到結尾你都唔會知道真相!加埋岩井俊二嘅清新唯美拍攝手法,真係好想入場睇下!睇左搶先場嘅朋友千其唔好劇透我知,未睇嘅就一齊睇住預告期待下先。
 
 
 
夢の花嫁

導演:岩井俊二

演員:黑木華、綾野剛、Cocco

上映日期:2016-3-17

片長:119分鐘/179分鐘 (導演版)

級別:IIA