山本彩初登女性雜誌封面 露健康性感腹肌

山本彩初登女性雜誌封面 露健康性感腹肌

喺香港都有大量粉絲嘅彩姐山本彩(NMB48)喺Twitter公佈咗佢會登上下期anan嘅封面。今次係佢出道以嚟第一次登上女性雜誌封面,仲大sell健康性感,露出彩姐出名嘅性感腹肌㖭!
 
 
今期anan繼續介紹點樣活化腸內健康改善體質同達到美顏功效。過往anan都搵開有村架純、梨花、小嶋陽菜等係女性讀者中人氣較高嘅女藝人。今次編輯部想揀喺偶像界可以堪稱健康美第一嘅人做封面,結果就揀咗彩姐喇!
 
今期anan會係11月16日開始販賣,各位粉絲唔好錯過~
 
Source:Oricon