【就到聖誕!】日本網民想要嘅聖誕禮物竟然係........

【就到聖誕!】日本網民想要嘅聖誕禮物竟然係........

仲有一個月唔夠就到聖誕,大家開始佈置屋企未呢!雖然自己都一把年紀,但有時都會憧憬吓如果呢個世界上真係有聖誕老人,最想佢送咩聖誕禮物畀自己。
 
而喺聖誕節都會大事慶祝嘅日本人,佢地聖誕就然想收到呢啲做禮物,如果我係聖誕老人,我一定會兜口兜面問佢地係咪玩野!
 
1. 聖誕老人我想要一個食勁多和菓子都唔會肥嘅BODY!
 
資料及圖片來源:twitter.com/Susato_mi
 
我都好想要個食極都唔肥嘅BODY,耐何體質飲啖水都會發脹......不過就算真係送個唔識肥嘅BODY畀我咁又點,我都冇錢喪食......
 
2. 聖誕老人我想要有用之不盡嘅金錢!
 
資料及圖片來源:twitter.com/aprc1225
 
我都想要......不過要做大富翁邊有咁簡單吖,繼續返工啦香港人!
 
3. 聖誕老人我想要一個又可愛又溫柔,只會將我放喺第一位嘅女朋友!
 
資料及圖片來源:twitter.com/kimikimiyota
 
呢位先生好有誠意,親手寫咗封信畀聖誕老人,仲話自己嗰個唔係咩大願望,只係想要個又可愛又溫柔又將佢放喺第一位嘅女朋友,嘩!一次要滿足你三個願望喎先生!會唔會去生隻出奇蛋快啲?!
 
4. 聖誕老人我想要畢業証明書!
 
資料及圖片來源:twitter.com/azuzu_n
 
呢個照道理唔難吖,定係日本學校有特別玩法好難先畢到業?!不過拎住張畢業証書又點,咪就係時刻提醒你係時候要拋個身出嚟社會搵食囉!
 
5. 聖誕老人我想要身高!
 
資料及圖片來源:twitter.com/666lowandlong
 
好好奇寫呢個願望嗰位到底有幾高,不過身高呢樣野,你阿爸阿媽生成你點就係點架啦,比上不足比下有餘啊,你望吓隔離嗰位!OPPS......都係高過你......
 
6. 聖誕老人我想要多啲毛毛!
 
資料及圖片來源:twitter.com/abe_kouju
 
好得人驚啊問聖誕老人要多啲毛毛!寫得呢個願望斷估都唔係女仔掛?!